Zibernetika (antzinako grezierazko kybernetikos hitzetik, "lemazaintza, gobernua"), haren aitzindari Norbert Wiener-ek 1948 urtean definitu zuenez, izaki bizidunen eta makinen kontrolari eta komunikazioari buruzko jakintza da. Informatika, sistemen teoria eta informazioaren teoria garatzen ari ziren garaian sortu zen, jakintza-arlo horietan planteaturiko problemei erantzuteko, baina berehala paradigma epistemologiko, transdisziplina edo metadisziplina berri moduan garatzen hasi zen, teknologiaren arloan, baina baita gizarte zientzietan ere, kausa-efektu printzipio lineal klasikoa gaindituz, kausalitate zirkularra oinarritzat hartu eta aldaketaren eta orekaren kontzeptuak txertatzeko aztertzen diren sistemetan. Paradigma zibernetikoaren baitan bi joera bereizi ziren, ordea: lehen mailako zibernetikan, behatzailea sistematik kanpo dago, baina bereziki sistema sozialetan behatzaileak sisteman duen eragina aztertzeko bigarren mailako zibernetika garatu zen.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
