Zaintza-zorra, batzuetan zor patriarkala ere deitua, pertsona, gizatalde nahiz klase sozial bakoitzak jaso eta eman egiten duen zaintzaren arteko aldea da. Gizarte-desberdintasunek sortutako zorra da, eta bereziki genero-desberdintasunek eta patriarkatuak sorrarazitakoa, emakumeei zaintza emateko rola atxiki eta kasu gehienetan onartzen dutenean. Dominazio ekonomikoak bultzaturiko zorra ere bada, goi klase sozioekonomikoek beheko klaseetatik zaintza jasotzeko joera dutenez gero, hala nola eskas ordaindutako zaintza-lanak kontratatuz. Nolanahi ere, zaintza-zorraren sorrera, bilakaera eta metaketa konplexua da, zaintza-lanen delegazio-katea luzea izaten baita, bereziki egungo gizarte konplexuetan, eta arte eta konplexuagoa, zaintza-beharrak indibiduo guztiengan berdinak ez diren heinean. Beraz, zaintza-zorraren ebaluazioa eta bidezkotasuna gai eztabaidatsua da, zalantzarik gabe, bereziki kapitalaren eta bizitzaren arteko dialektika eta talkatik eratortzen diren heinean.
Beste hizkuntzetan: katalanez, deute de cures; gaztelaniaz, deuda de cuidados.
Erreferentziak
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
