Xenofobia kanpotik etorritako gizatalde eta gizabanakoei zaien onarpen-eza, mesfidantza, ezinikusia eta gorrotoa da, azkenean diskriminazioa, esklusioa edo bazterketa eta kanpokoaren aurkako indarkeria ekartzen dituena. Xenofobiaren oinarriak objektiboak izan daitezke (hala nola, lanpostua galtzeko beldurra) nahiz guztiz irrazionalak (arrazismoan oinarritzen direnean esaterako); etnozentrismo, natibismoarekin eta nazionalismoarekin loturik ere ager daiteke. Arbuiatu egiten den kanpokoak zein diren deskribatzeko ezaugarriak lausoak dira (adibidez, maiz ez dira atzerritarrak soilik xenofobiaren biktimak, eta badira atzerritarrak xenofobiaren biktima ez direnak), baina definizio batzuk eman dira, hala nola fisikoki gertu baina taldetik urrun dagoen hura da, ezberdintzat hartzen dena gugandik gertu bizi arren, kanpotik etorrita gugandik distantzia sozial handia dutenak.
Historian gauzatu diren bi estrategia xenofoboak antropofagia (hots, kanpokoa jan edo irentsiz) eta antropoemia (hots, kanpokoa baztertuz). Egun, indarrean diraute bi estrategia horiek, literalki ez bada ere: asimilazionismoa, finean antropofagiaren aldaera besteriz ez dena, kanpoko gizabanakoei haien nortasuna eta kultura ezabatu eta kultura nagusiko balioetan integratzen direnean; eta antropoemia, kanpokoa baztertu edo besterik gabe itzuliarazi egiten zaionean.
Ikus, gainera
Loturiko artikuluak
Habitus (definizioa eta kontzeptua)Habitus-a Pierre Bourdieu soziologoaren (1930-2002) teoriaren oinarrizko kontzeptuetako bat da, eremu sozialarekin eta kapital sinbolikoarekin batera, hiru kontzeptuen arteko interakzioz praktika sozialak definitu eta ezaugarritzeko erabiltzen dena. Gizabanakoak,…
-
Berrikuntza (definizioa)Berrikuntza gailu, prozesu edo erakunde batean gertatzen den hobekuntza nabarmena da, aldez aurretiko asmo bati jarraiki garatua, berrikuntzaren gaitasunei esker. Berrikuntza ohikoena arlo teknikoan gertatzen dira, eta gero…