Unipartidismoa (alderdi bakarreko sistema)

Unipartidismoa, sistema unipartidista edo alderdi bakarreko sistema hauteskundeetan eta beraz gobernu ekintzan alderdi politiko bakarra parte har dezakeen sistema politikoaren ezaugarria da, beste alderdi politikoen existentzia eta jardun politikoa baimendu eta onartu daitekeen arren. Alderdi bakarreko sistema horietan, estaruaren , herriaren eta alderdi politikoen arteko identifikazioa gertatzen da, eta horrela alderdi bakarra da estatua eta bere egitura guztiak kontrolatzen dituena. Alderdi bakarra herriaren ordezkari benetako eta jator gisa aurkezten da, gainera. Sistema unipartidista erregimen politiko totalitario eta diktatorialetan gertatzen da, haietan parte-hartze politikoaren eta pluralismo politikoaren aurka jotzen denez. Hala eta guztiz ere, unipartidismoa erregimen politikoari demokrazia itxura emateko erabiltzen da erregimen diktatorial eta autokratikoetan, alderdi bakarrak herritarren parte hartze politikorako eskubidea bermatzen duela argudiatuz. Sistema unipartidistaren adibide bat Txinako Errepublika Popularra da, non ordezkaritza politikorako eskubidea duen alderdi bakarra bertako Alderdi Komunista den.

Ikus, gainera

• Pluripartidismoa