Filosofian, unibertsalak objektu konkretu batzuk batera aipatzeko erabiltzen diren terminoak dira. Adibidez, txakur terminoa txakur konkretuen guztiak biltzen ditu, txakur konkretu horiek ezaugarri komun batzuk partekatzen dituztenez. Beraz, unibertsalak dira izen komun batekin izendatzen diren gauzak, izen horren bitartez baturik agertzen direnak.
Unibertsalen benetako existentziaren inguruan eztabaida bizia sortu zen Erdi Aroko eskolastikan. Unibertsalen problemaren inguruan jarrera batzuk bereizi ziren: Platonen ideien teorian oinarrituta, unibertsalak benetan existitzen zirela baieztatzen zen, unibertsalen inguruan errealismo deritzon jarrerari bidea zabalduz; aristotelismotik unibertsalak gauza konkretuetan existitzen zirela adierazten zen, esentzialismoaren doktrina abiaraziz. Unibertsalen inguruko eztabaida bizia izan zen Erdi Aroan: errealismoaren aurka, nominalismo izeneko joera garatu zen, unibertsalen existentzia erabat ukatzen zuena, izen hutsak zirela argudiatuz; tartean kontzeptualismoa garatu zen, Petri Abelardo aitzindari, zeinetik unibertsalak gogamena eta mundu fisikoa lotzen dituzten kontzeptuak logiko-linguistikoak direla baieztatzen zen.1
Ikus, gainera
Erreferentziak
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
