Petxak eta petxeroak

Agian petxeroa errua izan gabe erruduntzat hartzen denaren adieran bilatzen ari zinen. 

Petxeroa (gaztelaniazko pecha hitzetik, zerga mota bat) Gaztela, Aragoi eta Nafarroako erresumetan petxak edo zerga pertsonalak ordaindu behar zituen pertsona da, zerga horietatik salbuetsita zeuden beste gizarte-klase batzuetako pertsonekin (noblezia - kapareak -, eliza) kontrajarria. Petxak Behe Erdi Aroan ezartzen hasi ziren garaiko monarkak, jasotako mesedeen trukean jauntxoak eta eliza salbuetsiz. Jauntxoak petxen bilketaz arduratzera ere heldu ziren, eta horrela petxa jauntxo eta basailuen arteko harremanen elementu zentrala izatera heldu zen. Hortik, petxero izatea beheko kondizio sozial bateko kide izatera igaro zen, eta azkenean iraingarria izatera. Aldi berean, petxa kobratzea goi estatu sozialaren erakusgarria bilakatu zen. Petxero kondizioa eta petxak ordaintzeko obligazioa gainetik kentzeko, petxeroek diru kantitate handia ordaintzera heldu ziren, bereziki Aro Modernoan, horretarako Errege Kontseiluari edo zegokion monarkiaren organoari eskaera eginez.

Erreferentziak

• https://dialnet.unirioja.es/servlet/articulo?codigo=2222152