Oroimenezko ikaskuntza (ikaskuntza memoristikoa)

Oroimenezko ikaskuntza edo ikaskuntza memoristikoa gogamenean ezagutza atxikiz edo horren erretentzioa eginez egiten den ikaskuntza da, ezagutza hori behar denean azalarazi eta erabiltzeko. Bereziki David Ausubel-en ikaskuntzaren teorian garatutak kontzeptua izan da. Ikaskuntza memoristikoa edukiak buruan finkatu arte horien errepikapenarekin, ikaskuntza mekanizistarekin alegia, lotzen bada ere, ikaskuntza memoristikoak badu beste aldaera bat: Ausubel-ek aldezten zuen ikaskuntza esanguratsua. Horren arabera, ikaskuntza oroimenean oinarritu behar da, baino modu esanguratsuan, eduki berriak ikasleak bereganatuta dituen kontzeptu zaharrekin lotuz, haien arteko lotura esanguratsua lortu eta horrela ezagutzaren erretentzioa errazte aldera.