Ordezkaritza bidezko demokrazia, ordezkaritzako, ordezkaritza-demokrazia edo demokrazia ordezkatzailea herritarren botere politikoa haiek modu librean aukeraturiko ordezkarien bitartez, gehienetan alderdi politikoetan bilduta, garatzen duen sistema politikoa da. Ordezkaritza-demokrazia batean herritarrek ez dituzte erabakiak zuzenean hartzen, zuzeneko demokrazian ez bezala, haiek hauteskundeetan aukeraturiko ordezkarien baizik, haiek biltzen diren kamara, gorte edo legebiltzarretan (ikus, parlamentua edo legebiltzarra). Ordezkaritza bidezko demokrazia demokrazia zuzena baino eraginkorragoa izaten den arren, erabakiak hartzerakoan, partitokrazia sortzeko arriskua du. Kamara edo gorteetan bilduriko ordezkari politikoak izango dira, gehiengoak osatuz, gobernua eta beraz botere exekutiboa izango dutenak. Udal mailako politikan ere, herritarren subiranotza ordezkarien bitartez garatzen da, zinegotzi eta alkatearen bitartez alegia.
Beste hizkuntzetan: ingelesez, representative democracy; gaztelaniaz, democracia representativa.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
