Ondare funts subiranoak jabea estatu bat duten inbertsio-funtsak dira, bertako aurrezki eta superabit publikoekin elikatuak. Bereziki, herrialde emergenteetan eta lehengai estrategikoak izateagatik (petrolioa, ...) sarrera publiko handiak dituzten herrialdeen eskuetan izaten dira, hala nola Qatar, Norvegia (biak petrolio-ekoizleak) eta Txina. Bereziki sektore estrategikoetan inbertitzen dute, sektore horietako enpresen akzio-pakete handiak erosiz.
Ondare funts subrianoek egiten dituzten inbertsioak mesedegarriak dira printzipioz inbertsio horiek jasotzen dituzten herrialdeentzat, baina kezka ere sortu ohi du herrialde horietan, kanpoko herrialdeek sektore estrategikoetan lor dezakeen eragin eta boteregatik. Hain zuzen, inbertsio-funts subiranoen kudeaketa opakoa izaten da, maiz interes geopolitikoak ezkutatuz, eta errentagarritasun ekonomikoa bigarren maila batena utziz.
Beste hizkuntzetan: ingelesez, Sovereign Wealth Funds; gaztelaniaz, fondos de inversión soberanos.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
