Naturalismoa (literatura)

Agian, naturalismo filosofikoari buruz jakin nahi duzu.

Naturalismoa XIX. mendeko azken hamarkadetan garatutako literatura mugimendua izan zen, muturreko errealismoa, errealitatea xehetasun osoz deskribatuz, eta erabateko objektibitatea bilatzen zituena, garai hartan puri-purian zegoen filosofia positibistarekin bat. Erromantizismoaren aurkakoa, Émile Zola frantses idazlea izan zuen ordezkari nagusia. Zolak Le naturalisme izeneko saiakera idatzi zuen mugimenduaren aurkezpena eta defentsa egiteko eta hor "egitateak jasotzen dituen behatzailea besterik ez zela" adierazi zuen, mugimenduaren oinarria garbi utziz. Espainian, Emilia Pardo Bazán, Vicente Blasco Ibáñez eta Leopoldo Alas Clarín izan ziren naturalismoa euren obretan landu zuten idazle nagusiak.