Antizipazio-literatura

Antizipazio-literatura edo antizipaziozko literatura gizartearen etorkizuneko egoera bat antizipatu, aurreratu edo esploratu egiten duen literatura, munduan eta gizartean eszenatoki berriak planteatuz eta horien baitan istorioak txertatuz. Maiz, zientzia-fikzioarekin nahastu izan den generoa da, baino zientzia-fikzioan teknologiaren garapenak eta zientziaren aurrerapenak eleberriaren ildo nagusia markatzen duen bitartean, antizipazio-literaturan teknologiak ez du protagonismo hori eta gehienez ere teknologiak gizartean izan ditzakeen ondorioetara mugatzen da. Batzuen arabera, zientzia fikzioaren azpigenero bat besterik ez da; hain zuzen ere, ingelesez, social science fiction deitzen zaio antizipazio-literaturari. Antizipazio-literaturaren adibideak lirateke Fahrenheit 451 eta Marteko Kronikak, biak Ray Bradbury-renak, eta Lehortea, J. G. Ballard-enak.