Lugorria

Lugorria (*lurgorria okerra da) laboratu gabe uzten den lursaila da, modu horretan lurra ongarritu (lurreko mineralak berreskuratzea eta hezetasuna atxikitzea ahalbidetuz), izurriteak saihestu eta hurrengo laborea emankorra izan dadin. Historian zehar, lugorria hiru urteko ziklo baten baitan erabili izan da, bereziki Erdi Aroan, zerealak, lekak eta lugorria txandakatuz (ikus, gainera, hiru urteko labore-txandaketa). Lugorria luzea izan daiteke, gutxienez urtebeteko iraupena duenean (lugorri zaharra berriz, urtebete baino iraupen luzeagoa duena da), eta laburra (urteko zikloaren baitan, hilabete batzuetako iraupena duenean).

Beste hizkuntzetan: gaztelaniaz, barbecho.