Lokalizazio-faktoreak (kokapen-faktoreak)

Lantegi, industria edo enpresa bati buruz, lokalizazio-faktoreak edo kokapen-faktoreak lantegi, industria edo enpresa baten kokapen geografikoa erabakitzean kontuan hartu beharreko faktoreak edo alderdiak biltzen ditu. Orokorrean, honako hauek dira:

• lurzoruaren eskuragarritasuna eta kostua;
• kokapenaren irisgarritasuna eta bestelako azpiegiturak (errepideak, bestelako garraiobideak, komunikazio-sareak);
• lehengaien gertuko eskuragarritasuna;
• ingurune industrial egokia, enpresaren jardueran lagundu dezaketen enpresek osatua (kalitatezko hornitzaileak eta baita ere jarduera beretsuko enpresak, haiekiko elkarlanean sinergiak sortzeko);
• lan indarra, bereziki horren trebakuntza eta kostua;
• ingurune politiko eta administratiboa, bereziki bertako politika ekonomiko eta industriala, fiskalitatea, dirulaguntza publikoak, krediturako sarbidea, ...
• eskualdeko garapen ekonomiko eta soziala.