Laneratzea pertsonek euren prestakuntza eta trebakuntzen araberako lanpostuak eskuratzea da, lanpostu horiek sortzeko aukerak zabalduz, ekonomian nahiz pertsonei konpetentziak eta trebetasunak eskuratuz, gizarte harremanak garatuz eta haiei esker lana aurkitzeko aukerak emanez. Laneratzea, beraz, okupagarritasuna (lanpostuak sortu egiten direnean ekonomian) nahiz enplegagarritasuna bat datozenean gertatzen den prozesua da. Laneratzea enplegu bat eskuratze hutsarekin lotzen den bitartean, lanbideratzea kualifikazioa eskatzen duen lanpostu espezializatua lortzeko ekintza eta prozesuekin lortzen da. Prozesu ekonomikoaz gainera, laneratzea prozesu soziala ere bada, ez soilik lana aurkitzeko gizarte harremanak garatu behar direlako, baizik eta laneratzeak berak pertsonak gizarte esklusiotik atera eta gizarteratzen laguntzen duelako. Horrexegatik, laneratze prozesuari laneratze-gizarteratzea ere deitzen zaio askotan.
Beste hizkuntzetan: gaztelaniaz, inserción laboral (laneratzea), inserción profesional (lanbideratzea), inserción sociolaboral (laneratze-gizarteratzea).
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
