Kultura ondasuna kultura baten adierazgarria den elementu materiala edo immateriala da, baliozko edo interesekoa dela uste dena, memoria, historia edo sortu eta garatu den gizartearen identitatea islatzeko, eta antzeko beste ondasun batzuekin kultura-ondarea deritzona osatzeko. Egile indibiduala edo kolektiboa izan dezake edota, besterik gabe, praktika komunitario bat izan datieke. Gizarte baten kultura-ondasunak hala aitortuak izaten dira, oro har, gizarte horretako kide eta ordezkatzen dituzten erakundeen aldetik, edo gutxienez halakotzat hartu beharko lituzkete, etorkizuneko belaunaldientzat babestu, zaindu eta transmititzeko. Kultura-ondasunak, alderdi materialari dagokionez, jabetza pribatukoak izan daitezke, baina alderdi kulturalari dagokionez, komunitatearenak eta era zabalagoan gizartearenak dira, eta ildo horretatik kudeaktu behar dira, merkantilizazioa saihestuz eta jendearen eskura eta jendaurrean jarriz.
Beste hizkuntzetan: gaztelaniaz, bien cultural.
Ikus, gainera
Loturiko artikuluak
Kapital-ondasunak eta kontsumo-ondasunakKapital-ondasunak inbertsio gisa etekinak eskuratzeko baliatzen diren ondasun eta aktibo iraunkorrak dira, haiek berez sortzen dituzten etekinen bitartez (alokairuak ondasun higiezinen kasuan esaterako, interesak eta dibidenduak aktibo finantzarioen…
Kultura-balioakKultura-balioak kultura baten elementuak dira, hala nola sinesmenak, ohiturak, balio moralak eta izaera material generikoko elementuak (kultura bateko tresna bereziak, adibidez) eta elementu zehatzak (eraikuntzak, artelanak...), beste kultura…
Kultura ondareaKultur ondarea edo kultura-ondarea iraganeko belaunaldiek utzitako ondasun kulturalen multzoa da, materialak nahiz immaterialak, hala nola eraikinak, artelanak, literatura idatzizkoa nahiz ahozkoa, musika, filmak, jaiak eta ospakizunak, errituak,…
Gizapedia
