Korrelazioa

Estatistikan, korrelazioa bi aldagai kuantitatiboen arteko erlazio estatistikoa da, aldagai horietan izandako aldaketen arteko erlazioa aztertzen duena (batak gora egitean, besteak gora egiten duen ala ez, eta zenbaterainoko indarrez). Zehatzago, korrelazioaren bitartez erlazio horren norabidea eta sendotasuna aztertzen dira. Ohartu behar da, nolanahi ere, korrelazioak ez duela inoiz kausalitatea zuzenean ondorioztatzen, horretarako bi aldagaiak logikoki edo teorikoki loturik egon behar dira (adibidez, ikasle batek izandako notak eta eguneko tenperaturak korrelazio handia izan dezakete, baina hortik ezin da baieztatu tenperaturak nota eragiten duenik).

Korrelazio-neurri erabilienak dira Pearson korrelazio linealeko koefizientea, Spearman-en korrelazio-koefizientea, Pearson-en koefizientetik eratortzen dena, eta Kendall-en tau koefizientea, heinen korrelazioa neurtzeko. Orokorrean, korrelazio-neurriek bitarteko balioak hartzen dituzte. 1era hurbiltzen direnean, aldagai batek gora egitean, besteak gora egiten du gero eta indar handiagoz. -1era hurbiltzean, aldagai batek gora egitean, besteak behera egiten du gero eta indar handiagoz. 0 balioaren ingurukoa denean azkenik, bi aldagaien arteko korrelazioa ahula da.

Ikus, gainera

• korrelazio, Gizapedia hiztegian.
• Ikasliburua: Bi aldagai kuantitatiboen baterako azterketa: korrelazioa
• Autokorrelazioa
• Korrelazio biseriala
• Korrelazio partziala