Koiuntura ekonomikoa

Koiuntura ekonomikoa eskualde edo herrialde bateko uneko edo epe laburreko egoera ekonomikoa da. Hainbat faktorek edo elementuk osatzen dute, hala nola inflazioa, langabezia-tasa, enpresen salmenten bilakaera, kontsumoa eta inbertsioa, eta aldeko edo aurkako diren, epe laburrera hazkunde ekonomikoa edo krisia eragiten dutenak. Koiuntura ekonomikoan izaten diren aldaketak, aldaketa koiunturalak alegia, epe laburreko egoera baldintzatzen duen bitartean, egitura ekonomikoa da, hala nola herrialdeko instituzioak, industriaren ezaugarriak, hezkuntza sistema, ikerkuntza, berrikuntza eta baliabide naturalak, epe luzerako garapen ekonomikoa eragiten duena, egiturazko aldaketak eraginez.

Estatuek politika ekonomikoak garatzen dituzte koiuntura ekonomikoari eragiteko: krisi koiuntura batean, ekonomia suspertzeko, eta ekonomia hazten ari den uneetan, hazkunde hori orekatua izan dadin.