Vennen diagramak edo Venn-en diagramak multzoak eta horien arteko eragiketak eta erlazioak grafikoki irudikatzeko erabiltzen diren diagramak da. Orokorrean, osotasuna edo multzo osoa (unibertso izenekoa) laukizuzen baten bitartez…
GizapediaKaxa-diagrama
KategoriakEstatistika
Bi korrikalarik, Ander eta Beñat, distantzia bat egiteko behar izan duten denbora-datuak dagozkien kaxa-multzoen bitartez alderaturik. Kaxako erdiko marrak erakusten du, Anderrek denbora txikiagoak egiten dituela.
Estatistikan, kaxa-diagrama edo kaxa- eta bibote-diagrama (ingelesez, box plot, box-and-whisker plot) aldagai estatistiko kuantitatiboak grafikoki irudikatu eta bereziki aldagai kuantitatibo bati buruz datu-azpimultzoak alderatzeko erabiltzen den diagrama bat da. Zehatzago, datuen erdigunea, sakabanatzea eta datu-multzoan dauden datu atipikoak zehaztasunez erakusten ditu: diagramaren kaxa lehen kuartiletik hirugarren kuartilera bitartean (ikus, kuartil arteko ibiltartea) marrazten da, eta haien artean mediana, erdigunea adierazten duena, kaxa barruko marra batez. Kaxatik alde banatara bibote izenekoak zabaltzen dira, datuak dauden bitartean gehienez 1.5 bider kaxaren luzerako distantzia bateraino, haratagoko datuak atipikotzat hartuz eta puntu banarekin adieraziz.
John Tukey estatubatuar estatistikariak asmatu zuen 1970 urtean, eta berak garatu zuen datuen analisi esploratzailearen oinarrizko tresna gisa zabaldu zen. Gerora ikuspegi estatistiko horretako mugak gainditu eta datuak zehazkiro adierazteko ohiko diagrama bilakatu da, bere sinpletasunagatik.
Ikus, gainera
Artikulu bat eskatu
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Harpidetu zaitez
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.