Interes erreala eta interes nominala

Interes nominala inbertsio edo zor bati epemugan gehitu beharreko zenbateko totala da, maiz tasa edo portzentaje gisa adierazita. Interes erreala, berriz, interes nominala ken inflazioaren tasa eginez kalkulatzen da. Adibidez, urteko %15eko interes nominalean inbertitzen badugu, eta inflazioa %10ekoa bada, urteko interes erreala %5ekoa izango da: izan ere, 100 euro aurreztu eta inbertitu badira, 115 euro jasoko dira urtebetera, baina kontuan harturik egungo 100 euro inflazioaren eraginez datorren urteko 110 euro direla, interesak direla medio 115-110=5 euro baino ez dira irabazi, alegia, interes erreala 5 eurokoa da, 5/100=%5ekoa alegia, 15 euroko interes nominaletik 10 euro inflazioak jan dituelako.

Ikus, gainera

• Interesak
• Interes-tasa
• Kopuru nominalak eta kopuru errealak