Ingurumen-zergak (zerga berdeak)

Ingurumen-zerga edo zerga berdea ingurumenari kalte egiten dioten ondasunak erosi eta kontsumitu edo jarduera ekonomikoak garatzeagatik ordainarazten diren tributuak dira, bereziki XXI. mendearen hasieratik aplikatzen joan direnak. Zerga horien helburua ingurumenari eragindako kalte edo kanpokotasuna kostu moduan barneratzea da, ingurumenari egiten zaion kaltea kontuan hartzeko helburuarekin. Hain zuzen ere, zerga horien oinarrian dagoen printzipio politiko eta ekonomikoak kutsatzen duenak ordaindu egin behar duela dio. Ingurumenari egindako kaltearen kostua barneratzera behartzeaz gainera, zerga berdeek aurrekontu publikoetarako diru iturri garrantzitsuak ere badira.

Beste hizkuntzetan: gaztelaniaz, impuestos medioambientales, impuestos verdes.