Inflazio-tasa inflazio edo prezio-igoeraren portzentajea adierazten duen balio bat da. Inflazio-tasa bi modutara kalkulatu ohi da:
- urteko inflazio-tasa, urte natural batean (2022, 2023, ...) prezioak zenbat igo diren estimatzeko;
- hilabeteko inflazio-tasa, hilabetetik hilabetera kalkulatzen dena, hilabete jakin batean prezioak zenbat igo diren jakiteko;
- urte arteko interes tasa, aurreko urteko hilabete batetik aurtengo hilabete betera, azken 12 hilabeteetan alegia, prezioak zenbat igo diren ikusteko.
Edonola ere, inflazio-tasa prezioen indize segidan (ikus, zenbaki indizeak), konparatu nahi diren bi aldietako prezio-indizeak zatituz kalkulatzen da; adibidez, 2023ko abenduan, prezioen indizea 140 izan bazen, eta 135 2022 abenduan; 2023 urteko inflazio-tasa %3.7koa da (140/135=1.037), hau da, prezioak urte horretan %3.7 igo ziren (135 kostatzen zena 140 kostatzen baita urtebete beranduago).
Loturiko artikuluak
DesinflazioaDesinflazioa inflazio-tasaren beherakada da, betiere prezioen gorakada adierazten jarraitzen badu. Adibidez, %10eko inflazio-tasa %4 izatera pasatzen denean, desinflazioa dagoela esaten da. Deflaziotik nahastu daitekeen kontzeptua da: deflazioa inflazio-tasa…
Urte arteko tasaEkonomian, urte arteko aldaketa-tasak edo urte arteko tasak aldagai batek urte bateko data batetik hurrengo urteko data berera izan duen hazkunde tasa adierazten du. Adibidez, urte arteko tasa,…
Birjartze-tasaBereziki administrazio publikoetan, birjartze-tasa hutsik geratutako lanpostuetatik zenbat atxiki edo betetzen diren adierazten du, portzentaje gisa. Administrazio publikoan lanpostu bat hutsik geratzen denean, erretiroagatik gehienetean, bi aukera daude:…
