Industria litikoa, bereziki Historiaurrearen testuinguruetan baina baita ere gizarte primitiboetan, harrizko lanabesak sortzeko prozesuari, tipologiari eta lanabesa horien multzoari berari erreferentzia egiten dion terminoa da. Industria litikoa nagusitu zen Historiaurreko garaiari Harri Aroa deritzo, Paleolitoa edo Harri Aro zaharra, duela 2.5 milioi urtetik duela 12.000 urtera arte zabaltzen dena, Mesolitoa eta Neolitoa (Harri Aro berria) bilduz. Industria litikoaren nagusitasuna metalurgiaren agerpenarekin batera hasi zen, orokorrean neolito garaian. Paleolitotik gugana heldu diren aztarna gehienak industria litikokoak badira ere, harria eraldatu gabe duen erraztasunagatik, kontuan hartu behar da garai hartako gizakiek bestelako materialak ere erabiltzen zituztela, hala nola zura eta hezurra. Industria litikoaren tipologia oso zabala da, kontuan harturik zein epe zabaletan zehar garatu den, baina sailkapen zabal batean bereiz ditzakegu alde batetik harribilak, gutxi landuak eta Behe Paleolitoan ugariagoak, eta bestetik harri printzak, landuagoak, eta Erdi eta Goi Paleolitoan ugaritu zirenak.
Beste hizkuntzetan: ingelesez, lithic industry, stone industry; gaztelaniaz, industria lítica.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
