Independentzia

Agian gertaera independenteei buruz jakin nahi zenuen, probabilitatearen testuinguruan.

Politikan, independentzia herrialde batek bere burua gobernatzea da, bere gobernu propioaren bitartez eta kanpoko kontrol injerentziarik gabe.  Herrialde bat independentea izateko subiranoa izan behar da, hau da, bere lurraldea eta bertako hiritarrak gobernatzeko ahalmena eduki behar du; beraz, subiranotza aldarrikatu eta garatu behar da independentea izateko. Independentzia lortzeko modu zenbait daude: alde batetik, autodeterminaziorako eskubidea gauzatuz, herrialde bateko herritarrek edo haiek ordezkatzen dituzten erakundeek demokratikoki independenteak izatea erabaki dutenean; edota independentzia-gerra baten bitartez, herrialdea menderatzen duen atzerriko potentzia edo inbasorearen aurka.