Hiri-ardatzak

Hiri-ardatzak eskualde batean zehar errepidez eta baita beste garraiobideez loturik dauden hiriek osatzen duten lerro irudikaria. Hiri-ardatz bat eratzen duen garraiobide-lerro horren bitartez, hiri horien arteko harreman sozioekonomiko estuak garatzen dira. Espainian, hiri-ardatz nagusi hauek bereizten dira:

• kantauriar ardatza, Donostia ingurutik abiatu eta Oviedoraino luzatzen dena, Bilbo eta Santanderretik igaroz; ardatz hau, gainera, ardatz atlantikoko zatia da;
• ardatz mediterraneoa, Gironatik Cartagenaraino, Murtzian alegia, luzatzen dena, Bartzelona, Tarragona, Castelló, Valentzia eta Alacantetik igarotzen dena;
• Ebroko haraneko ardatza, Logroñotik, Tuteratik, Zaragozatik eta Lleidatik igarotzen dena, ardatz mediterraneoarekin bat egiteko;
• Andaluziako kostaldeko ardatz turistikoa, Cadizetik Almeriaraino luzatzen dena;
• Guadalquivirreko haraneko ardatz, Sevillatik, Kordobatik eta Jaenetik igarotzen dena;
• Galiziako kostaldeko ardatza, Vigotik Coruñara doana.

Beste hizkuntzetan: gaztelaniaz, ejes urbanos.

Ikus, gainera

• Hiri-sistemak