Hierokrazia gizarte, talde edo erakunde batean apaiz eta klerikoen talde batek duen agintaritza eta boterea da, gehienbat gizarte bizitza arautzen duten dogma erlijiosoen bitartez ezarria. Bereziki Max Weber soziologoak landu zuen kontzeptua da; haren iritziz, hierokraziak, eta zehazkiago Eliza Katolikoaren hierokraziak, administrazio eta dominaziorako eredua da, estatu modernoek burokrazia sortzerakoan bereganatu dutena.
Ohikoa da hierokrazia eta teokrazia nahastea, baina kontzeptu desberdinak dira: teokrazian Jainkoaren ustezko borondateak agintzen duenean gertatzen da, liburu sakratuetan ezarritako legeen biartez. Hierokrazia, berriz, Jainkoaren legea oinarritzat izan arren, sistema konplexuagoa da, hierarkiak eta hark ezarritako arauek zuzentzen dutena.
Beste hizkuntzetan: ingelesez, hierocracy; gaztelaniaz, hierocracia.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
