Gertaeren bilketa (gertaeren bildura)

Zorizko gertaera bi edo gehiagotarako, haien bilketa gutxienez zorizko gertaera horietako bat gauzatzea ematen duen eragiketa logikoa da; horren emaitzari, gutxienez gertaera bat gauzatzeari alegia, gertaeren bildura deitzen zaio. A eta B zorizko gertaerak emanda, A eta B gertaeren bildurak A bakarrik gertatzea, B bakarrik gertatzea eta A eta B batera gertatzea biltzen ditu.

Gertaerak elkarrekiko baterazinak edo disjuntuak direnean, "A eta B" multzo hutsa da, eta beraz bildurak A bakarrik eta B bakarrik gertaerak baino ez ditu biltzen.

Gertaeren bilduraren probabilitatea batuketaren erregela garatuz kalkulatzen da, bilketako gertaerak bateraezinak direnean; eta inklusio-esklusio printzipioaren bidez, gertaerak bateragarriak direnean.

Adibideak

Hurrengo kurtsora pasatzeko, ikasle batek programatutako A eta B irakasgaietako bat gutxienez gainditu behar du; beraz, A bakarrik gainditu behar du, B bakarrik gainditu behar du edota A eta B irakasgaiak batera gainditu behar ditu. Formalki adierazita:

---

Sei aldeko dado bat bota behar da. Honako zorizko gertera hauek kontsideratzen dira: A={puntuazio bikoitia} eta B={2 baino puntuazio handiagoa}:

A={puntuazio bikoitia}={2,4,6}
B={2 baino puntuazio handiagoa}={3,4,5,6}

A eta B-ren bilduran, bi zorizko gertaerek biltzen dituzten lagin-espazioko elementuak biltzen dira:

Ikus, gainera

• Gertaeren ebaketa (gertaeren ebakidura)