Probabilitate-teorian, bi gertaera (edo gertakari) askeak edo independenteak direla esaten da, batak bestean eraginik ez duenean, alegia bata gertatzeak bestearen probabilitatea aldatzen ez duenean. Bi gertaera askeak ez badira, menpeko gertaerak direla esaten da. Gertaera askeak edo independenteak dira, adibidez, txanpon baten jaurtiketa desberdinen emaitzak, aurretik emaitza busti ala lehor izanda, ondoren busti eta lehor ateratzeko probabilitateak aldatzen ez direlako, eta kolore desberdinetako pilotak dituen ontzi batetik koloreari erreparatuz egiten diren erauzketak, erauzketa horiek itzuleraz egiten badira, aurretik kolore bateko pilota ateratzeak ez du aldatzen hurrengo batean kolore bateko edo besteko pilota ateratzeko probabilitatea, aldi bakoitzean, ontzian dauden kolore desberdineko pilota kopuruak ez baitira aldatzen -bai, ordea, erauzketak itzulerarik gabe aldatzen badira, kolore desberdineko pilota kopuruen proportzioak aldatu egiten direlako pilotak atera ahala-.
Beste hizkuntzetan: ingelesez, independent events; gaztelaniaz, sucesos independientes.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
