Genero-alborapena, batzuetan genero-joera ere deitua, pertsona edo kolektibo bati buruz bere generoagatik, bereziki emakumea izateagatik, garatzen den pertzepzio diferentziala (genero-estereotipoek eraginda) eta tratamendu desparekoa da, azkenean genero-diskriminazioa sorrarazten duena. Adibidez, genero-alborapena dago gizonen kirol-lorpenak gehiago baloratu eta plazaratzen direnean emakumeenak baino (ikus, inbisibilizazioa). Genero-desparekotasun mota bat da.
Zentzu hertsiagoan, genero-alborapena emakumeak, gizonak eta beraien arteko genero-harremanak aintzat hartzen ez dituen edonolako erabaki, politika edo ikerketa da. Ikuspegi horretatik, hiru dira genero-alborapena sortzeko mekanismoak: androzentrismoa, gauzak gizonen ikuspuntutik ikusten dituena; genero-sentikortasun eza, gizon eta emakumeem arteko desberdintasun kontuan hartzen ez dituena eta estandar bikoitzak, aurrekoaren aurkakoa, gizon eta emakumeetarako irizpide desberdinak ezartzen dituen ikuspegia.
Beste hizkuntzetan: ingelesez, gender bias; gaztelaniaz, sesgo de género.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
