Ekonomia orotan produktu eta zerbitzuen fluxu fisiko edo ekonomikoa dago, enpresa ekoizleetatik enpresa eta familia erosleetara, eta baita ere finantza-fluxu bat, dirua mugitzen duena, produktu eta zerbitzu horiek finantzatzeko behar den finantzazioa ematen duena, erosleek ordaintzen duten prezioaren bitartez lehen maila batean. Finantzarizazioa fluxu finantzarioak ekonomian duen pisua handitu edo ibilbidea luzatzea da, ekonomia erreala eta produktiboa gutxietsi eta baztertzeraino, finantza-maila gehigarriak ezarriz, azkenean kreditu-burbuilak sortuz eta espekulazioa sustatuz. Finantza merkatuen desregulazioak eta liberalizazioak bideratzen dute finantzarizazioa, era guztietako finantza trukeak baimenduz eta apalankamendua eta zor finantzario globala nabarmen gehituz.
Finean, ekonomia produktiboaren kaltetan irabaziak, finantza espekulazioan bilatzen dituen ekonomia eredua garatzeko prozesua da. Beste alde batetik, berrelikatzeko joera duen prozesua ere bada, arriskuak gutxitzeko etorkizun-kontratuak eta bestelako deribatuak sortuz, azkenean arriskuak gutxitu ordez, burbuila finantzarioak eta domino efektuak ekar ditzakeena krisi batean. Finantzarizazioa 1970eko hamarkadatik garatutako prozesua izan da, egun ere indarrean dagoena, eta krisi larriak eragin ditu, 2008an hasitako Atzerakada Handia kasu.
Ikus, gainera
Erreferentziak
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
