Feminizazioa

Feminizazioa gertatzen dela esaten da lanbide edo egoera batean emakumeak gizonak baino ugariagoak direnean. Zehatzago, feminizazio-indizea ere definitzen da: egoera bati buruz, egoera horretan dauden emakumeen zati egoera horretan dauden gizonezkoen kopurua da; feminizazioa dagoela esaten da indizea 1 baino handiagoa denean, eta zenbat eta nabarmenagoa 1etik zenbate eta urrunagoa izan. Lanbideei buruz, feminizazioa ohikoa da erizaintzan, lehen mailako irakaskuntzan (andereñoaren estereotipoa sortzea ekarri duena), garbitzaileen artean, etxeko langileen artean, agureen zaintzan, hegazkinetako laguntzaileen artean, eta berrikiago kazetarien artean; halaber, pobreziaren eta prekarietatearen feminizazioak ere jaso dira. Aurkako fenomenoa maskulinizazioa da. Feminizazioa pobrezian ere gertatzen da, emakumeak pobrezian ugariagoak eta esklusio egoera larriagoan daudelako.