Fabrika-sistema


KategoriakHistoria

Fabrika-sistema (ingelesez, factory system) Industria iraultzaren hasieran etxeko sistema edo sistema domestikoa ordezteko garatu zen ekoizpen-sistema izan zen, langile bakoitzak beste baten kontura etxean ekoitzi ordez, ekoizpena toki bakar batean zentralizatzen zuena, fabrikan edo lantegian alegia, nora langileak joan behar ziren lan egitera. Fabrika-sistemaren garapena garai hartan asmatu eta garatu ziren lurrun-makinen teknologiarekin loturik dago: makinak lantegi batean kokatu behar ziren tamaina eta konplexutasunagatik, eta langileak fabrika haietara mugitu behar ziren derrigorrez. Fabrika horietan garatutako teknologiak lanaren zatiketa eta piezen estandarizazioa ere ekarri zituen, produktibitatea izugarri handituz. Fabrika horien garapenak kapitalismoa industriara zabaldu zuen guztiz, lantegi eta makinen jabeak, kapitalistak alegia, eta langileak erabat bereiziz, eta beraien artean erlazio dialektikoa eratuz, kapitalistek etekina handiena bilatzen zutenez langileen lanaren bizkar.

Beste hizkuntzetan: gaztelaniaz, sistema fabril.

 

216 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.