Alboragabetasuna eta alborapena: estimatzaile alboragabeak eta alboratuak


KategoriakEstatistika

Estimatzaile bat alboragabea (unbiased, ingelesez; insesgado, gaztelaniaz) dela esaten  da bere batez besteko balioa estimatu nahi den parametroaren benetako balioarekin bat datorrenean. Formalki, \theta estimatu nahi den parametroa eta \hat{\theta} horretarako proposaturiko estimatzailea izanik, hau betetzen denean da estimatzailea alboragabea:

    \[E[\hat{\theta}]=\theta\]

Alboragabetasuna (unbiasedness, ingelesez; insesgadez, gaztelaniaz) estimatzaileen propietate komenigarria da, batezbestez parametroaren balioa asmatu egiten dela esan nahi du, kasu konkretuetan, lagin jakinetarako, balio hartatik desbideratu arren.

Arestiko baldintza betetzen ez denean, hots E[\hat{\theta}] \neq \theta kasuetan, estimatzailea alboratua dela esaten da (biased, ingelesez; sesgado, gaztelaniaz). Estimatzailea alboratua denean, bere batezbestekoa estimatu beharreko parametroaren baliotik alde batera edo bestera lerratzen da, eta beraz estimatzailea aplikatzean errore sistematiko bat egiten dela esan daiteke. E[\hat{\theta}]-\theta diferentziari alborapena deritzo (bias, ingelesez; sesgo, gaztelaniaz).

Ikus, gainera

264 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.