Enpresan eta bestelako antolakuntzetan, estandarizazioa edo normalizazioa irizpideak, prozedurak eta erregelak, estandarrak alegia, ezartzen dituzten mekanismo eta prozesuen multzoa da, efizientzia eta kalitatea hobetze aldera. Modu horretan, enpresa eta antolakuntza horien jarduera erregulatu, koordinatu eta kontrolatu egiten da, jarduera guztientzat gauzak egiteko modu zuzen, komun eta finko bat ezarriz, eta alde horretatik estandarizazioak merkatuaren, ordenamendu juridikoaren nahiz antolakuntza barneko arauen kontrol helburu bera betetzen du. Orokorrean, estandarizazioa edo normalizazioa hirugarren alderdi direlakoen bitartez garatu da, estandarrak ezarriz eta horien betatzen diren ala ez kontrolatuz. Hirugarren alderdi horiek enpresa ziurtagiri-emaileak dira, enpresa edo antolakuntza jakin batek estandarrak betetzen dituen ala ez ziurtatu edo bermatzen duena. Beste batzuetan, estandarizazioa bezeroek, bigarren alderdiek alegia, ezarri eta kontrolatu egiten dute.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
