Jean Piageten ezagutzaren teorian, ezagutza ingurunearen eta subjektuaren ahalmen kognitiboaren arteko etengabeko interakzioa da. Interakzio hori eskema kognitibo direlakoen bitartez gertatzen da. Eskema kognitiboak edo eskema mentalak subjektuak eraiki egiten dituen egiturak dira (hain zuzen ere Piaget konstruktibismoaren ordezkari nagusietakoa da), haien bitartez inguruneko informazioa interpretatu eta prozesatzeko, eta ingurune horretara moldatzeko. Prozesu horri esker garatzen du subjektuak bere ikaskuntza eta ezagutza prozesua.
Eskema edo egitura kognitibo horiek ingurunera moldatzeko jokabide edo interpretazio modu gisa agertzen dira praktikan eta horien garapena da subjektuaren ezagutza bultzatzen duena, asimilazio eta akomodazio prozesuen bitartez, helburua izanik betiere ingurunearen eta eskema kognitiboen arteko oreka batera iristea.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
