Ekoizpen-indarrak

Teoria marxistan, ekoizpen-indarrak edo produkzio-indarrak ekoizpena garatzeko erabiltzen diren ekoizpen-bideak (naturak eskaintzen dituen lehengaiak, materialak, makinak, energia) eta lan-indarra (gizakiaren lana) biltzen dira. Halaber, teknologia, antolakuntza moduak eta administrazioa ere biltzen dira ekoizpen-indarretan. Marxismoaren baitan, ekoizpen-indarren kontzeptua teoria ekonomikoan ohikoagoa den ekoizpen-faktoreen kontzeptuaren parekoa litzateke, baina baina kontzeptu marxistak inplikazio sakonagoak lituzke historiaren bilakaeran, hurrengo pasartean azaltzen denez.

Marxen arabera, ekoizpen indarren artean dagoen erlazioek, zehatzago ekoizpen bideen eta lan-indarraren artekoak, ekoizpen-harremanak direlakoak sortzen dituzte, eta ekoizpen-harreman hauek dira, ekoizpen-indarrekin batera, ekoizpen modua (esklabista, asiatikoa, feudala,  edo kapitalista) eratzen dutenak.  Ekoizpen-indarren eta ekoizpen-harremanen artean sortzen diren kontraesanak eta talkak dira marxisten arabera historiako aldaketak eragiten dituztenak, ekoizpen-modu batetik bestera igarotzea eragiten dutenak: aldaketa hauek ekoizpen-indarren garapenaren nahiz klase-borrokaren bitartez sor daitezke. Hain zuzen ere, marxismoaren baitan ohiko eztabaida izan da kapitalismoa gailentzea eta sozialismoaren etorrera bideratzeko ekoizpen-indarren garapena edo klase-borroka lehenetsi behar den. Eredu sobietarraren aldekoek ekoizpen-indarren eredua bultzatu behar dela aldezten duten bitartean, maoismotik kalse-borroka izan da behar da iraultzaren motore nagusia.

Beste hizkuntzetan: ingelesez, productive forces; frantsesez, forces productives; gaztelaniaz, fuerzas productivas.

Erreferentziak

• https://www.leconflit.com/2021/01/contradiction-entre-forces-productives-et-rapport-de-production-marxisme.html