Ekintza kolektiboa

Soziologian eta ekonomian, ekintza kolektiboa (ikus, kolektiboa) bi eragile edo gehiagok elkarrekin burutzen duten ekintza da, helburu jakin bat betetze aldera, helburu hori betetzerakoan interes desberdinak izan ditzaketen arren. Ekintza kolektiboaren azterketaren aitzindaria Mancur Olson (1932-1998) izan zen, The Logic of Collective Action lanarekin. Analisi ekonomikoa aplikatuz, Olsonek ondorioztatu zuen banakoek ez dutela izaten interes ekonomikorik ekintza kolektiboan parte hartzeko, bereziki talde handietan, kontsentsua bilatzeko zailtasunak direla eta,  eta koertzioa edo hertsapena gertatzen ez bada. Ekintza kolektiboa garatzeko oztopo hauen ondorio gisa, free rider edo aprobetxategiaren problema aztertzen da. Oztopo horiek guztiak gainditu, kontsentsua bilatu eta helburuaren batera ekiteko negoziazioa ezinbesteko tresna da.