Disko gogorra


KategoriakInformatika

Disko gogorra edo disko gogorreko unitatea biltegiratze-unitate informatikoa da, datuak era magnetikoan modu iraunkorrean, ordenagailua itzalita dagoenean ere, gordetzen dituena disko itxurako gailu batean. Esan liteke ordenagailuaren epe luzeko memoria-gailua dela. Disko horrek biratzen duenean, buru irakurle batek datuak bertan idatzi, datuak gordetzeko, eta irakurri, datuak berreskuratzeko, egiten dituena. Ordenagailuetan erabiltzen da bereziki, eta bertan gordetzen dira sistema eragilea, aplikazioak eta erabiltzailearen fitxategiak; ordenagailuak disko gogorreko elementuren bat behar duenean, handik hartu eta epe laburreko RAM memoriara eramaten da, nondik datuak prozesatu egiten diren. Ordenagailu pertsonalek barruan sartu, kableatu eta integraturik daukate disko gogorra, baina kanpoko disko gogorrak ere txertatu daitezke, kanpoko datuak eta fitxategiak, sartu edota barruko datu eta fitxategien kopiak egiteko. Bestelako gailuetan ere erabiltzen da, hala nola bideojoko-kontsola eta kamaretan.

Beste hizkuntzetan: ingelesez, hard disk drive (HDD); gaztelaniaz, (unidad de) disco duro, disco rígido.

229 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.