Datu taldekatuak

Datu taldekatuak aldagai estatistikoari dagozkion kategoria, modalitate, balio, klase edo tartetan bildutako datuak dira, hots, maiztasun-taula batean bilduta daudenak. Adibidez, unibertsitateko ikasleen artean egiten ari diren gradua galdetuta (h: humanitateak, z:zientziak), erantzunak, datu isolatuak alegia, hhzzzzhzhzhhzz badira, datu taldekatuak hauek lirateke:

Gradu mota   Ikasleak

Humanitatea    6
Zientziak         8

Guztira          14

Datu taldekatuen beste adibide bat hau izan daiteke, aldagai kuantitatibo bati buruz,  haur-eskola bateko haurren adinei buruz:

Adina   Haurrak

3                25
4                22
5                26

Guztira      73

Azkenik, datuak klase-tartetan ere taldekatu daitezke; adibidez, ikasle batzuen nota taldekatuak hauek izan daitezke (ikus, gainera, histograma):

Nota      Ikasleak

7-8           12
8-9           22
9-10          18

Guztira     52

Datuak taldekatuak formula estatistikoak (batezbestekoa, desbideratze estandarra, ...) kalkulatzeko modua aldatu egiten dela aintzat behar da, datu isolatuen ordez aldagaiaren balioak eta horien maiztasunak ditugulako eskuartean.

Beste hizkuntzetan: ingelesez, grouped data; gaztelaniaz, datos agrupados.