Birjartze-tasa

Bereziki administrazio publikoetan, birjartze-tasa hutsik geratutako lanpostuetatik zenbat atxiki edo betetzen diren adierazten du, portzentaje gisa. Administrazio publikoan lanpostu bat hutsik geratzen denean, erretiroagatik gehienetean, bi aukera daude: lanpostu hori bete gabe utzi eta ezabatu eta orduan lanpostua amortizatu egiten dela esaten da, edota lanpostu hori beste pertsona bati eman, lanpostua bete edo birjarri alegia. Adibidez, %80ko birjartze-tasa batek hutsik geratutako lanpostuetatik %80a beste langile batek bete duela adierazten du, eta %20 amortizatu egiten direla. %100era heltzen ez den birjartze-tasak lanpostu-murrizketak adierazten du, eta aurrekontu-murrizketarekin edo efizientzia helburuekin lotzen da.

Beste hizkuntzetan: gaztelaniaz, tasa de reposición.