Bikameralismoa, bikameralitatea edo ganbera-bitasuna botere legegilea bi ganbera, kamara edo batzarren artean (Senatua edo goi ganbera, alde batetik; eta Kongresua edo Asanblea Nazionala, behe ganbera ere deitua) banatzen duen sistema politikoa da. Tradizionalki, goi ganberan estamentu pribilegiatuak ordezkatzen zituen ganbera zen arren, egun nazioko entitate federatuak edo erregioak ordezkatzen ditu orokorrean (probintziak eta autonomia erkidegoak Espainiako Senatuan, kantoiak Suitzan, ...), behe ganberak herritarrak ordezkatzen dituelarik; hain zuzen ere, bikameralismoa bereziki estatu federalen sistema politiko nagusia da.
Funtzionamenduari dagokionez, bikameralismoan, lege berriak plazaratu eta indarrean jartzeko bi ganberen adostasuna edo gehiengoa behar da. Modu horretan, botereen arteko oreka bilatzen da, arestian esan bezala herritarren zuzeneko ordekaritzaren eta lurraldeko ordezkarien artean, legegintza helduago eta hausnartuagoa, eta beraz legimitatea handiagokoa lortze aldera.
Historian, Inglaterran aurkitzen lehenengo sistema kamerala, non Komunen Ganbera eta Lorden Ganbera bereizten ziren, Lorden Ganberan kleroa eta noblezia biltzen zirelarik. Bikameralismo modernoa Ameriketako Estatu Batuen sorrerarekin batera sortu zen, eta hortik munduko herrialde demokratiko gehienetara zabaldu da. Dena den, bikameralismoa bereziki federalismoan oinarritutako estatuetan garatu da.
Beste hizkuntzetan: ingelesez, bicameralism; gaztelaniaz, bicameralismo.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
