Kaspiar itsasoa barne itsasoa da.
Barne itsasoak edo itsaso itxiak kontinente baten barruan, zehatzago plataforma kontinental baten barruan, kokaturik dauden ur gaziko azalera handiak dira, gehienetan sakonera txikikoak, itsaso handiagoetarako irteerarik ez dutenak, ez bada itsasarte estuen bitartez. Barne itsasoak arro endorreikoetan sortzen dira, inguruko ibaiek euren urak arrora isurtzearen ondorioz, edo itsasoaren transgresioaz, itsasoaren maila altua zenean plataforma kontinentalean inguruko ozeanoa gainezka eginda. Barne itsasoak dira Kaspiar itsasoa eta Aral itsasoa, arro endorreikoetan sortuak eta ibaiek elikatuak, eta Itsaso Beltza, Itsaso Baltikoa eta Hudson itsasoa, historia geologikoan izandako itsasoaren transgresioaz sortuak. Antzinako erromatarrek barne itsasotzat hartzen zuten Mediterraneo Itsasoa, Mare Internum izenarekin, baina geografikoki itxia izan arren, geologikoki ez da barne itsasotzat hartzen, sakonera handikoa delako eta plataforma kontinentalen arteko mugan dagoelako.
Beste hizkuntzetan: ingelesez, inland sea; gaztelaniaz, mar interior, mar cerrado.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
