Estatistikan, probabilitate-banaketa konposatua bere aldetik ere zorizkoa den parametro baten mendean dagoen probabilitate-banaketa bat da. Beraz, banaketa konposatu batean zorizkotasunak bi iturburu ditu: jatorriko aldagai bat zorizkoa da, eta zorizkotasun horretan sartzen den parametroa ere zorizkoa da. Adibide bat: (1,2,...,n) zenbakiak dituen dado bat botata suertatzen den zenbakia, jakinda n zenbaki handiena 6, 7, 8, 9 edo 10 izan daitekeela probabilitate berdinekin. Zorizkoa den parametroa adierazten duen aldagaiari konposatzailea edo ezkutuko aldagaia (latent variable) deitzen zaio: konposatzailea aurreko adibidean n zenbaki handiena da: 6,7,8,9 edo 10. Banaketa konposatuen beste ohiko formulazio bat hau da: zorizko aldagaien batura bat kalkulatzen da, non batugai kopurua ere zorizkoa den; adibidez, txori espezie batek eremu batean jartzen duen arrautza kopuru totala zenbatu nahi denean, zorizkoak dira aldi berean txori kopurua eta haietako txori bakoitzak jarritako arrautza kopurua.
Beste hizkuntzetan: ingelesez, compound distribution; gaztelaniaz, distribución compuesta.
Ikus, gainera
Probabilitate-banaketa batean, banaketa-funtzioa balio batetik beherako probabilitatea edo maiztasun erlatiboa ematen duen funtzioa da:[latexpage] 
Banaketa-funtzio batetik zorizko aldagaiari edo aldagai estatistikori buruzko edozein probabilitate zehaz…
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
