Balioespena (ekonomia eta finantzak)

Ekonomian eta finantzetan, balioespena, baloraketa edo balorazioa ondare batek edo ondare horrek jasandako kalteak duen diru-balioa estimatzea da. Balioetsi egin daitezkeen ondareak denetarikoak izan daitezke, eta haietarako baliospen-metodo desberdinak erabiltzen dira: aktibo material zein immaterialak, zeinetarako kostu historikoa edo eskuratze-kostua erabiltzen den horien balioespena egiteko, egindako amortizazio ekonomikoak kendura; inbertsio-proiektuak, Balio Eguneratu Garbia balioespen-metodoarekin esaterako, eta ingurumenaren balioespena, ingurumen-kalteei buruz esaterako. Balioespena aditu batek egiten duenean, modu arrazoituan, legezko efektuekin, tasazioa dela esaten da.

Beste hizkuntzetan: ingelesez, valuation; gaztelaniaz, valuación, valoración.