Azpietxebizitzak (infraetxeak)

Azpietxebizitza edo infraetxea duintasunez bizitzeko azpiegitura, ekipamendu eta hornidurak ez dituen etxea da, hala nola ura, berokuntza eta argindarra ez duena, tamaina txikiegia duena edo hezetasunaren eta hotzaren eta beroaren aurkako isolamendu egokirik ez duena. Infraetxeak kondizio txarretan dauden etxebizitzak izan daitezke, aspalditik birgaitu gabeak eta gabezia eta akats nabarmenekin, nahiz etxebizitza izateko diseinaturik ez dauden eraikinak edo horren zatiak edota biztanleek beraiek eraikitako txabola moduko etxeak (ikus, txabolismoa).  Txabolismoaren kasuan, azpietxebizitzak hirien neurrigabeko hazkunde azkarraren ondorioz gertatzen da, landa exodoaren edo bestelako migrazio masiboen ondorioz, agintaritzak hiritar berrientzako etxebizitzak eskaintzen ez dituenean; horrela, pertsonak eta familiak euren etxea eraiki behar dute ahal duten moduan, material eskas eta kaskarrekin. Pobreziaren ondorioz ere gertatzen da azpietxebizitzaren fenomenoa, hirian nahiz landa eremuetan, familiek etxeek behar dituzten mantenimendu eta birgaitze lanak eta hornikuntzak ordaintzeko gauza ez direnean.

Beste hizkuntzetan: gaztelaniaz, infravivienda.

 

Infraetxeak pertsona eta familiek bizitoki duten etxebizitza eskas eta kaskarrak, bertan bizitzeko kondizio duinak eskaintzen ez ditutenak.