Aldakuntza-tasa bi balio alderatzen dituen portzentaje bat da, bata bestearekiko zenbat handiagoa edo txikiagoa den adierazten duena. Honela kalkulatzen da, zatiketa moduan, zatikizun gisa alderatu nahi den a balioa jarriz, eta zatitzailean alderatzeko oinarri gisa erabili nahi den b balioa hartuz:
![\[AT=\cfrac{a}{b}\]](https://gizapedia.hirusta.io/wp-content/ql-cache/quicklatex.com-f32adbfba97b84f564fe108be3868f31_l3.png "Rendered by QuickLaTeX.com")
Adibide gisa, Donostia etxebizitza baten batez besteko prezioa metro karratuko 3.000 euro bada, eta 2.000 euro Bilbon, aldakuntza-tasa Donostian Bilboko prezioarekiko honela kalkulatzen da:
![\[AT=\cfrac{3.000}{2.000}=1.5\]](https://gizapedia.hirusta.io/wp-content/ql-cache/quicklatex.com-26023052e6a545e009579c6246a0f533_l3.png "Rendered by QuickLaTeX.com")
Emaitzak adierazten du Donostiako prezioak 0.5=%50 garestiagoak direla, 1 balioak berdintasuna adierazten duelarik.
Ohikoan aldakuntza-tasa denboran zehar aldagai batek aldi batetik bestera erakusten duen bilakaera erabiltzen da. Adibidez, enpresa bateko salmenten bilakaera 2020: 1.000, 2021: 1.200, 2022: 1.500, 2023: 2.000 delarik, urte bakoitzeko aldakuntza-tasa aurreko urtearekiko kalkulatu ohi da: 2020: 1, 2021: 1.200/1.000=1.2, 2022: 1.500/1.200=1.25, 2023: 2.000/1.500=1.33; eta horrela, 2021etik 2023ra bitartean, salmentak aurreko urteko salmentarekiko %20, %25 eta %33 igo direla esango dugu hurrenik hurren.
Beste hizkuntzetan: gaztelaniaz, tasa de variación.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
