Ezkutuko aldagaiak, estaliak edo latenteak ere deituak, zuzenean behatu ezin daitezkeen aldagaiak dira, baina beste aldagai behagarrien bitartez estimatzen direnak, eredu estatistiko baten baitan. Ezkutuko aldagai baten adibidea antsietatea da, jatorrian jariatzen diren neurotransmisore jakin batzuen mailarekin zuzenean loturik dagoena, baina haien kantitatea behatu ezin daitekeenez, pertsonarengan eragiten duten ageriko portaeraren bitartez jasotzen dena.
Aurreko adibidean bezalaxe, ezkutuko aldagaiek hainbat aldagai biltzen dituzte, eta beraz kontzeptu konplexuak jasotzen dituzte, konstruktoak eratuz horrela (antsietatea, adimena, ...), aurrez definituriko kontzeptu teoriko eta abstraktoak alegia. Hori dela eta, ezkutuko aldagaiak gehien agertzen diren jakintza-arloetako bat psikometria da.
Beste hizkuntzetan: ingelesez, latent variables; gaztelaniaz, variables latentes.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
