
ABC analisiak biltegi bateko produktuak hiru sailetan banatzen ditu, haien kostu totalaren arabera.
Izakinen kudeaketan , ABC analisia biltegiko produktu-motak horien garrantziaren arabera sailkatzeko prozedura bat da. Garrantzi-irizpidea produktuen biltegiratze-kostua, haietan egindako inbertsioa eta horien eskaria izaten dira, besteak beste. Gutxi gorabeherako erregela enpiriko baten arabera, produktuen %20ak kostuaren edo inbertsioaren %80 hartzen du (ikus, Pareto printzipioa), produktuen %30ak kostu edo inbertsio osoaren %15 eta %50ak kostu edo inbersioaren %5 soilik.
Portzentaje horien arabera gutxi gorabehera, ABC analisian sailkapen hau egiten da:
- kostu edo inbertsio osoaren %80 hartzen duten produktuen %20ak A kategorian biltzen dira; kategoria horretan bildutako produktuak kontrol zorrotza behar dutenak izango dira, kostu edo inbertsio osoaren zati gehiena osatzen dutenez;
- kostu edo inbertsio osoaren %15 hartzen duten produktuen %30ak B kategorian biltzen dira; kategoria horretan bildutako produktuak kontrol ertaina beharko dute;
- kostu edo inbertsioaren %5 hartzen duten gainerako produktuek ez dute kontrol handirik behar eta aski da horien kopuru handia izatea biltegian hausturarik gerta ez dadin.
Ohartarazi behar da, A, B eta C kategoriak mugatzen dituzten balioak gutxi gorabeherakoak direla, eta ondorioz muga-balio horiek aldatu egin daitezkeela, biltegiaren ezaugarri bereziak zein diren.
Loturiko artikuluak
Korrespondentzia anitzen analisiaKorrespondentzia anitzen analisia hainbat banako edo indibiduoetatik jasotako aldagai kategorikoak abiapuntutzat harturik, indibiduoak nahiz kategoriak grafikoki, bi ardatzetan, irudikatzen dituen teknika estatistikoa, alde batetik kategoria antzekoak dituzten indibiduoak,…
AnalisiaEpistemologian, analisia kontzeptu edo fenomeno bat bere osagaietan zatitu eta horiei erreparatuz aztertzea da. Ikuspuntu kontrajarria sintesia da, osagaiak bilduz osotasuna eratzen duena. Analisia korronte eta eskola filosofiko…
Pareto printzipioaPareto printzipioa hainbat fenomenotan ustez betetzen den gutxi gorabeherako erregulartasun-erregela enpirikoa da, zeinaren arabera emaitza edo ondorioen %80a eragile edo kausen %20ek soilik eragiten dutela. Vilfredo Pareto (1848-1923)…