Pareto printzipioa hainbat fenomenotan ustez betetzen den gutxi gorabeherako erregulartasun-erregela enpirikoa da, zeinaren arabera emaitza edo ondorioen %80a eragile edo kausen %20ek soilik eragiten dutela. Vilfredo Pareto (1848-1923) ekonomialariaren izena darama, zeinak lurraren banaketaren azterketan jabeen %20ek lurraren %80a metatzen zutela ikusi zuen. Geroztik, beste hainbat arlotara zabaldu den erregela da, hala nola istripuen %80ak gidarien %20ek eragiten dituztela, produktu baten ekoizpenean akats guztietatik %80ak akasts-moten %20ek eragiten dituztela, kaleen %20ek trafikoaren %80a eragiten dutela, eta abar. Enpresaren kudeaketan ere maiz aipatzen da, egindako lanaren %20ak arazo guztien %80a konpontzen duela edota etekin osoaren %80a dakarrela interpretatuz. 80-20 proportzioak oinarri teoriko jakinik ez badu ere, Pareto printzipioa kopuru eta tamainak modelizatzen dituen Pareto banakuntzaren kasu berezi batekin lotu daiteke.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
