Ziberkultura


KategoriakSoziologia

Ziberkultura informazio eta komunikazioarako teknologia berrien inguruan garaturiko termino orokor, zabal eta beraz lausoa da. 1980 eta 1990eko hamarkadetan, baikortasun eta ezkortasun teknologikoaren diskurtsoekin loturiko terminoa da, teknologia horiek itxaropen berriak eta baita arriskuak ere zabaltzen zituztela baieztatzen zuten narratibekin loturik.

Geroztik, ordea, ikuspuntu ezberdinetatik landutako kontzeptua izan da:

  • hasierako kontzeptuari jarraiki, ziberkultura ikuspuntu utopiko batetik garatzen da, teknologia berriek ekar dezaketen gizarte berriari buruz;
  • informazioaren ikuspuntutik, informazio eta komunikazio teknologiek dakartzaten informazio kode kultural eta sinboliko berriak bilduko lituzke ziberkulturak;
  • ikuspuntu antropologiko batetik, praktika eta bizitza-estilo berriak aztertzen lituzke;
  • azkenik, ikuspuntu epistemologiko batetik, ziberkulturak teknologia berrien inguruan garatutako gai eta arlo berriak biltzen dira, hala nola errealitate birtuala, sare sozialak eta adimen artifiziala.

Erreferentziak


Artikulu hau honela aipatu: Sarasola, Josemari, "Ziberkultura"; Gizapedian, 21 urria, 2018, /ziberkultura/.
226 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.