Zenbaketa

Zenbaketa multzo batean zenbat objektu edo elementu dauden kalkulatzea (zenbatzea) da. Zenbatzeko prozesu sinpleena zenbatu beharreko elementuak banan banan hartu eta zerotik abiaturik haietako bakoitzeko unitate bat gehitzea da (0, 0+1=1, 1+1=2, 2+1=3, ...). Batzuetan, zenbaketa azkarragoa egiteko, elementuak binaka, bosnaka, hamarnaka, dozenaka, ... zenbatu daitezke. Matematikoki, zenbaketa zenbatu beharreko elementuen multzoaren eta zenbaki naturalen (0,1,2,...) artean ezartzen den bijekzioa da.

Zenbaketak multzo batean zenbat elementu dauden kalkulatzen baino zenbaketa ikuspegi ordinal batetik ere ikus daiteke, elementu bakoitzak zerrenda edo hurrnekera batean betetzen duen ordena edo posizioa zehaztuz. Hori horrela, zenbaketan bi alderdi daudela esan daiteke: kardinalitatea (zenbat guztira) eta ordena (zenbatgarrena).